EJ M’A FOAIT TOUT TCHOT

Ej m'a foait tout tchot  Adaptation en picard: M.Monsigny

Mi j' n'avoais jamoais inl'vé min capieu 
Edvant tous chès gins
V'lo qu'asteur èj sus, fin rétu , fin bieu 
A m'sure qu' a' m'dit «  Viens ! »
J 'étoais tchien maouais , pis j' m'in vos minger
Dins s ' main tout tchotte 
J'avoais des dints d'leu , pis j'ai tout cangé
Jè n'nai des tchottes 

REFRAIN

Mi j' m'a foait tout tchot éd'vant èn- ne poupée
Qu'alle frème ses yux à m'sure qu'o' l' couche
Mi j' m'a foait tout tchot éd'vant èn- ne poupée 
Qu'alle brait à s'mère à m'sure qu'o' l' touche


Mi j'étoais un roaid' , èm' v'lo einjolé
Ch'est in-ne fine mouque
Dèch' coeup lo, j'ai tcheu , fin coeud tout arfoait 
Tout contr' ès bouque
Qu'alle o des dints d' lait à m'sure qu'alle sourit
Qu'alle cante bénaise
Pis les dints d'un leu, à m'sure quand alle crie
Qu'alle est maouaise 



Ch'est in- ne vraie berdoule, all' porte èl tchulotte, 
Mi j'file toudis droèt
Quoèqu' a soèche jalouse , pus pir' èqu' chès eutes 
Diu, si o saviez 
Un eut' tcheur à prinne qui m'avoait san-né
Pus bélote qu'elle
Un eut' tcheur à prin-ne , in' n'o défuncté
A coeups d'ombrelle



Tous chés sornaimbules préviseux m'avoaitent
Dit sins maliche
Qu'inter' deux ses bros, in croè j'èm' f'roais mett' 
Derain suppliche
I' n' in eu des pires, des miux, o 'voyez
Mais i n'peut qu'mantcher
Qu'o voaich' ès pind ichi , là-beus , où qu'a fuch' 
Si i' feut qu' a fuch'

One thought on “EJ M’A FOAIT TOUT TCHOT

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *